Bu barədə Rusiyanın xarici işlər naziri Sergey Lavrov “Rusiya və qlobal siyasət” məqaləsində yazıb. Rusiyanın dövlət xəbər agentliyi TASS onun nəşrindən əsas müddəaları təqdim edib.

Onun sözlərinə görə, ABŞ-də respublikaçılar administrasiyasının hakimiyyətə gəlməsi ilə Vaşinqtonun İkinci Dünya müharibəsindən sonrakı beynəlxalq prosesləri dərk etməsi yeni təzahürlər alır. Bu baxımdan Rusiyanın xarici işlər naziri ABŞ dövlət katibi Marko Rubionun Senatda dünya nizamının nəinki köhnəldiyi, həm də ABŞ-nin maraqlarına qarşı alətə çevrildiyi barədə bəyanatına xüsusi şəkildə toxunub.

“Yəni, təkcə BMT-nin mərkəzi roluna malik Yalta-Potsdam dünya nizamı yox, həm də Soyuq müharibədən sonra Vaşinqtonun rəhbərlik etdiyi Qərbin bütün eqoizmini yekunlaşdıran “qaydalara əsaslanan nizam” yetərsizdir”, - deyə Rusiya xarici işlər naziri yazıb. Görünür, Moskvada Trampın “Mən prezident olsaydım, Ukraynada müharibə başlamazdı” bəyanatı ilkin olaraq dərindən qiymətləndirilməyib.

Trampın ABŞ prezidenti kimi ilk qərarları və açıqlamaları göstərir ki, o, açıq-aşkar deyib: “Mən Rusiyaya xüsusi hərbi əməliyyata başlamağa icazə verməzdim”. Rusiya prezidenti isə bu addımı atıb ki, ABŞ-ni “Yalta-2” prinsipi üzrə danışıqlara məcbur etsin. Belə çıxır ki, ABŞ dövlət katibi Yalta-Potsdam dünya nizamını ABŞ-nin maraqlarına qarşı alət hesab edir.

Yəni, Tramp səlahiyyət müddəti ərzində BMT-nin aparıcı rol oynaması ilə dünya nizamını dəyişmək üçün hər şeyi edəcək. Rusiya xarici işlər nazirinin bu siyasətlə Hitlerin şüarı arasında “narahatedici oxşarlıq” müşahidə etməsi son dərəcə təhlükəlidir. Rusiya prezidenti elə vəziyyətə düşüb ki, Ukrayna nizamlanması ilə bağlı elan etdiyi prinsiplərdən hər hansı bir geri çəkilmə kremldaxili intriqalara və xaosa səbəb ola bilər.

Rusiya prezidenti yanında İctimai Şuranın üzvü, “Nezavisimaya qazeta”nın baş redaktoru Remçukov son dərəcə ehtiyatlı, lakin kifayət qədər şəffaf şəkildə eyham vurur ki, Vladimir Putin Ukraynanın dörd vilyətini tam şəkildə birləşdirmək məqsədindən əl çəkə bilər. “Konstitusiya dəyişikliyi problem yaratmayacaq”, - deyə o qeyd edib.

Bu arada Lavrovun məqaləsinin tonu onu deməyə əsas verir ki, Moskva müəyyən müddət ərzində rəqabəti davam etdirmək niyyətindədir. Bunu etmək üçün hansı hesablamadan istifadə olunduğunu bilmək çətindir. Trampı Hitlerə bənzətməklə və Yalta-Potsdam dünya düzəninə dair səhifəni bağlamaqla, Lavrov yeni “Molotov-Ribbentrop paktı” təklif edirmi?

Ancaq Şərqi Avropanın alman-sovet bölgüsü dünya müharibəsi təhlükəsini aradan qaldırmayıb, əksinə onu daha obyektiv hala gətirib, deyilmi? Moskva nüvə müharibəsi əlcəyi atır?

Firuz Bağırov
Ordu.az